《成報》員工未出糧 - 李八方

  《成報》員工未出糧 - 李八方

《成報》近日有異動,啲買盤賣盤嘢鬼咁複雜,八方都聽到一頭霧水,但噚日首先傳嚟壞消息:員工無糧出。有《成報》行家噚日猛呻,話上星期六本來係公司嘅出糧日,但係嗰日公司無出糧,佢話成班同事已經傾好,如果七日內公司重唔出糧,佢哋就會去搵勞工處喎!
八方向《成報》一位高層求證,高層哥哥話自己都未收到份糧,公司前幾日出咗張通告,話會盡快解決資金問題。查實近年報行股權變動都唔係新鮮事,打工嘅都理唔到咁多管理層嘅變動,只係求有工做有糧出啫。


傳真︰2623-9278
電郵︰[email protected]