北角英皇道有三十七年樓齡的利都樓，天台被人僭建作住宅，並佔用其中一道防煙門作為住宅大門，消防處早於4年前已接獲居民投訴，由於天台「一推開門就係人哋屋企」，實為私人地方，故消防處無權干預，只能轉介屋宇署跟進。
居民向記者談及天台大門長期被上鎖、阻塞逃生通道的境況，顯得一臉無奈。
大廈樓高十八層，每層有十四個單位，共有四條通道通往天台，惟其中靠近A、B及I座通往天台的通道，卻因天台被人僭建作住宅，防煙門長期上鎖。
「防煙門俾人改咗做佢屋企大門，一打開就係佢屋企，重長期上鎖，完全冇預留條路畀人上天台，萬一火燭就大件事嘞；大廈一、二樓重係食肆，危險性更高。雖然重有三條樓梯可通上去，但走廊又長又窄，啲煙攻到嚟嗰陣，重點走得咁遠？」
居民說，老人家步伐緩慢，若要轉往其他通道上天台，實難應付。她說，大廈已有三十七年樓齡，大部份住客為長者，故逃生通道應更為開揚，容易找到。
居民不滿道，她曾向大廈業主立案法團及天台佔用人反映，盼能留下通道往天台，惟對方卻拒絕：「如果真係有需要、可以開門畀你入。話明逃生，就梗係好緊急啦，重邊有時間搵人拎鎖匙開門呢？」
備受困擾的居民坦言，對政府部門感失望，她曾向消防處及屋宇署反映，但情況依舊無改善。
「屋宇署成日話冇即時危險唔處理住，轉頭消防處又話私人地方理唔到；咁咪人人都可以霸住個天台非法起間屋、然後又話係私人地方冇王管？點解啲制度會咁僵化㗎？」
消防處發言人直認，早於2000年已接獲有關大廈居民投訴、並已知會屋宇署跟進，據知屋宇署已去信有關業主，要求處理天台僭建物。
發言人指出，一般而言，大廈天台確不可上鎖，如有人阻塞逃生通道，消防處可作檢控，但實際情況仍須視乎業權誰屬而定；如上址天台「一推開門就係人哋屋企」，實為私人地方，消防處便無權干預；再加上天台僭建物已存在多年，情況較為特殊及複雜。
發言人強調，消防處會再將投訴個案，轉介屋宇署跟進，以便盡快清理大廈天台僭建物。
屋宇署發言人回覆本報表示，上述問題已轉交該署有關部門處理，調查後會回覆本報有關結果。
（○二二三○一二）
服務熱線
電話：29908288
傳真：23702192
電郵：
