張佩金前日凌晨在上海發生嚴重車禍，撞斷十多條肋骨，插穿內臟，送醫院搶救做了兩次大手術，目前情況仍然危殆，能否度過難關，要視乎她在一周內的狀況。其經理人Harry則受輕傷，並於意外後主動公開與張佩金是情侶關係。而張佩金的好友伏明霞，亦主動致電Harry慰問。 記者何永寧、黃文偉上海直擊
落選亞姐張佩金大前晚在上海出席林曉培任嘉賓的可口可樂慶功宴後，前日凌晨五時許與經理人Harry坐的士返酒店，途中司機行錯路掉頭時，遭一部軍部車輛攔腰狂撼，張佩金被送去浦東新區的公利醫院搶救，其恥骨及十多條肋骨被撞斷，脊椎骨移位，插穿內臟，前日施了兩次手術，脾臟已經切除，但仍然危殆。Harry則左邊肋骨折斷，情況穩定。
「重痛過自己出事」
昨日凌晨一時左右記者去到公利醫院時，見到張佩金在監護病房（即深切治療室），全身插滿喉管昏迷，Harry則在普通病房留醫。張佩金的兩位主診醫生昨日向記者表示，上海巿巿長韓正很重視這件事，而醫院院長昨日亦有探望張佩金。
Harry昨日接受本報記者電話訪問，受傷後的他有些口齒不清，但仍哀痛地說：「我個心好痛，重痛過自己出事，我𠵱家見唔到佢，佢喺ICU（深切治療部），醫生話可以做嘅已經做晒，𠵱家要靠佢嘅意志，佢傷得好犀利，內臟全部傷晒，醫生話如果七日之內冇內出血，咁就可以大步檻過，希望所有識得佢嘅朋友，能夠幫佢祈禱，希望佢可以冇事。」
肇事司機已被捕
問Harry若女友情況好轉，可會轉送香港醫治，他說：「唔會喇，佢要醫好耐，好大件事，最好嘅醫生已經落晒嚟，上海巿長都落咗order要全力搶救，軍部都有派人嚟慰問，佢哋好重視呢件事，亦願意負責任，個的士司機已經拉咗。張佩金係第一次去上海，諗住發展內地巿場，搵多啲機會，點知就發生意外。」
Harry和張佩金直至今次意外，才正式公開兩人的情侶關係，他說：「一向冇公開，係唔想佢有緋聞，今次公開，係希望佢好過啲，我亦應該負番責任，希望佢有機會知道我公開咗。」
張佩金的助手Vivian昨日一直留在醫院，她透露張佩金除了內出血外，還有腦震盪的狀況。前日上午十一時至下午三時進行第一次手術後，內臟仍然出血，於下午四時至八時再做第二次手術。Vivian透露張佩金好友伏明霞看報紙知道她出事後，主動致電Harry了解情況和慰問。
林曉培哭成淚人
Vivian又說：「今朝Harry嘅媽咪睇過佢，叫佢個名，佢有睜大眼，應該有知覺，但𠵱家重未度過危險期，佢父母喺馬來西亞嚟緊。」
張佩金父母住在檳城，要坐飛機來港再去深圳做落地簽證後，才可以到上海，所以時間上有耽擱。Vivian透露張佩金前日凌晨送院後，林曉培亦有到醫院探望，她見到張佩金流了很多血後，哭得好厲害，但林曉培昨日因工作已返回台灣。
至於張佩金可算是因公受傷，Vivian說：「半公半私啦，有冇勞工賠償，就要等Harry返香港了解吓。」
張佩金的母親和妹妹昨晚十時抵達醫院，二人先探望Harry，跟着再往病房探望張佩金，張母說：「作為母親一定唔會好過，我會留低直至佢好轉。」
而張佩金的爸爸則因有工作在身，未能同行。
