前幾日，八方一位同事喺中環舊中銀間Cipriani意大利餐廳見到李嘉誠嘅紅顏知己周凱璇，佢身穿一件啡色連身裙，配上一件同色嘅皮外衣，風姿綽約之中別有一股英氣，好有領袖風韻。
周小姐永冇一個人出街，一定有保鑣在旁，嗰日重有高大威猛嘅人喺間房外面保護，佢就帶住兩位女助理入咗間房同人密談，八方個同事好奇，睇吓佢同邊個咁好傾，原來係港大校長徐立之同袁國勇教授。五個人傾到兩點幾，徐、袁兩人先走，周小姐就留底同自己班同事開會。
八方後嚟問港大同周小姐有乜嘢大動作，佢哋話，校長成日見人，點知傾乜。
不過，港大的確有教授返去李嘉誠間汕頭大學教吓書。八方知道，李嘉誠基金會大把水，徐校長一定識得搵邊個幫手。
（圖）周凱璇日前約咗徐立之同袁國勇，唔知有咩咁好傾呢？
傳真︰2623-9278
電郵︰