還有一個月，賴年勝就面臨失業。他是十七名被裁的合約制地政主任之一，本月底約滿將不獲政府續約。他飯碗打爛，太太又懷有身孕，彷徨、無奈。
撰文：黎國剛 攝影：黃冠華
我入職地政總署六年多，日常主要負責做收地。做這份工，不時都會和受影響的村民有衝突，可以話為政府打生打死。想不到，當將軍澳支線、西鐵等相繼通車後，自己人到中年，當局一句削減資源，我馬上失業。感覺好難受。
去年十二月三十一日大除夕，下午，我突然收信。我好天真，竟然以為是續約信，但原來上頭通知我，今年三月滿約之後不獲續約，簡直晴天霹靂！
我完全無想過會被炒魷。過去兩年，我工作表現考勤均獲優良成績。○一至○二年度，我更獲頒土地管制組傑出隊伍獎。這些成績早兩年應該有職升，但現在卻被解僱，我好難接受。
收信後，我在辦公室呆了十幾分鐘。回家之後，連飯都不想食，夜晚發夢都見到自己周圍搵工。
如果失業，我不知道怎麼辦？我月入兩萬多，供樓用掉四成，太太又無工作，兼有兩個月身孕。不但養不到阿爸，連自己生活都搞唔掂。我本來準備今年換過家中的舊家具，買部新款DVD機，現在一切不必想。即使朋友約食飯，我都不敢去，慳得就慳。遲些可能連樓都要賣。我覺得好對不起家人。
今日，我會同班同事去政府總部請願。前一陣，我和同事已經在報章登了一封公開信給特首，又到過立法會申訴部申訴……當局會取消今次裁員嗎？