傳搭上富婆同遊上海
安仔與緋聞女友合照闢謠

許志安近日被傳搭上坐擁二億身家的M8大股東譚毓楨（Jenny），早前二人更不避嫌到上海旅行。前晚安仔出席環球活動時，與緋聞女友Jenny大方合照，一起粉碎拍拖傳言。

許志安與鄭秀文分手後，感情生活頓成為傳媒焦點，繼早前安仔被傳與M8前高層張鳳儀拍拖後，近日又有報道指安仔搭上擁有二億身家的M8大股東譚毓楨，Jenny早前更陪安仔到上海旅行，二人關係儼如戀人。

「對經理人唔公平」
前晚安仔出席環球唱片公司有份投資的「上騰娛樂有限公司」記者會，跟安仔傳出緋聞的Jenny，不但毫不避嫌陪同出席，而且還大方跟安仔合照。對於Jenny被傳是新歡，安仔說：「呢件事對我經理人唔公平，我就話俾人寫慣啫，總之我可以講嘅係六個字『公道自在人心』。話我哋一齊去旅行，其實我係去ChannelV一個活動，同埋幫電影宣傳，咁經理人當然要去啦。」
問安仔可擔心所有女士也不敢跟他接近時，安仔無奈說：「人哋咁睇冇辦法，時間可以證明一切。」至於Jenny亦呼冤道：「好唔開心好唔公平，我哋去上海做嘢之嘛，睇怕我遲啲都要笠住膠袋出街！」

「慧嫻唔唱好可惜」
而同一場合出現的李克勤就透露，他與環球續約問題已傾得八八九九，由於他體諒公司處境，所以續約定不會要求數千萬酬勞。對於陳慧嫻因新唱片只賣得八千張而心灰意冷退出樂壇，克勤大感可惜說：「賣八千唔係一個可恥嘅數目，八千張唔失禮，但慧嫻唔唱歌真係好可惜。」
此外余文樂、黃伊汶及許志安等昨日到銅鑼灣出席「環球音樂頻道」記者會，嘴角紅腫的余文樂全程戴着黑超，他解釋說：「我噚晚拍金像獎短片拍通宵，對眼好腫呀。個嘴唔係生嘢，係之前拍《江湖》時，個龍虎武師踢爆個嘴，𠵱家咪生嘢囉。」

「我唔怕再傳緋聞」
而曾與余文樂傳緋聞的黃伊汶，現時二人同屬一間唱片公司及經理人公司，可謂親上加親，黃伊汶說：「我簽藝能經理人約時，都有問余文樂意見，我唔怕再傳緋聞喎，傳極都係咁。」
採訪：李珮洳、陳梅香
攝影：陳烱威、陳偉權