梁詠琪（GiGi）昨日到將軍澳電視廣播城為劇集《天涯俠醫》試造型，GiGi透露她於劇中飾演張家輝的前度女友，她說：「估唔到我第一次客串做電視劇就要俾車撞死。戲入面我係做一個好有愛心嘅醫生，遲啲重要去非洲拍外景，講我去嗰度行醫，我已經第三次去非洲啦。」
而郭羨妮（Sonija）、張家輝及林峯昨日於馬鞍山拍攝外景，Sonija的新髮型廣受讚賞，她表示：「我男友上網睇到我呢個新髮型都讚我靚，不過我好多朋友以為我唔捨得剪短晒啲頭髮，所以佢哋都以為我戴假髮。」
而張家輝就表示不介意GiGi比他高，他說：「有個咁高嘅女仔跟住我都不知幾威，妮歌潔曼都高過湯告魯斯，佢兩個行出嚟都好好睇。」
採訪、攝影：王崇穎