新加坡海峽時報噚日登咗一篇評論員文章，真係石破天驚，竟然話有內幕消息指，中央有個智囊組織向主管香港事務嘅中共中央政治局常委曾慶紅建議，搵陳方安生做第三屆特首，必要時提早坐咗阿董個位。
文章話呢個北京「黑貓白貓研究中心」，將於四月一日向曾慶紅提交報告，講述香港目前困境嘅解決方法。報告話港人要嘅係有效率同有動力嘅領導人，啲拍北京馬屁嘅「愛國人士」達唔到呢個要求，中央又唔願撤換阿董，搞到原本唔熱衷民主嘅港人，愈來愈發覺一個唔民主嘅制度，害佢哋不能趕走不稱職嘅特首。報告話陳太有能力又專業，係上佳特首人選。
八方愈睇愈唔對路，到文章最後嗰段至話只係同大家開咗個玩笑，呢個報告同所謂「黑貓白貓研究中心」係子虛烏有，但係文中所提嘅事同意見都係真實嘅。
傳真︰2623-9278
電郵︰