現時貴為上市公司東方娛樂主席嘅黃百鳴，噚日喺亨達嘅投資研討會上透露，佢早喺七一年已「投身」股壇，重大有斬獲㖭！雖然嗰陣時佢做洋行經理，人工已有成萬銀，但都唔夠股市吸引，佢喺七一同七二年大舉入市，結果七三年遇上股災，損失慘重，之後發誓唔掂股票，但姣婆守唔到寡，八七年佢再入市，結果同七三年一樣。
經過兩次教訓，黃百鳴再立誓永不入市，令佢避開九七年股災，之後重將間公司上埋市！但佢話東方娛樂掛牌首日係○一年九月十二日，之前一日美國發生九一一事件！佢隻股第一日上市由九毫直插落三毫半，無咗差不多三分之二！睇嚟除咗秋官外，股民又有另一個股壇明燈！
（圖）黃百鳴話自己條命「忌股」，兩次入市都遇上股災。
傳真︰2623-9278
電郵︰