一人有一首飲歌，立法會議員陳婉嫻都有一首，不過唔係曾憲梓嗰首《沒有共產黨就沒有新中國》。嫻姐身為工會領袖，佢嘅飲歌自然係一首打工仔怨曲，噚日佢就喺一班後生仔面前，表演咗佢嘅首本名曲──《半斤八両》。不過戴住黑超成個MickJagger咁款嘅嫻姐並唔係用佢雄壯嘅聲線表演，而係打鼓，同現場樂隊一齊夾Band。呢首唱出打工仔心聲嘅八十年代流行曲，嫻姐六年前已經表演過一次，噚日香港電台一個青年活動邀請佢上台助興，嫻姐於是乎再露兩手，果然似模似樣，點都好過唱埋晒啲肉麻骨痹但係唱唔出人民心聲嘅歌。
（圖）嫻姐戴住黑超打鼓，認真夠晒台型。 黃賢創攝
傳真︰2623-9278
電郵︰