李心潔情史不多，她在求學時期暗戀過一位高年級同學足足六年，直至二十一歲才初戀，至今她只拍過兩次拖，與年輕三載的初戀男友段鈞豪分手至今，仍然保持好朋友關係。
李心潔說：「我同佢媽咪嘅感情都幾好，我有新戲上都會請佢睇首映。要我講分手原因，我諗係我哋成長經歷嘅嘢唔同，我經歷嘅嘢比同年齡嘅人多，但難得係大家重可以做朋友。」
李心潔現時與《見鬼》導演彭順拍拖，早前本報拍得兩人過着半同居生活，她亦表示雖然男友常在泰國，不過兩人已步入穩定期，李心潔說：「佢係好成熟好專一嘅人，我亦明白要維持分隔兩地嘅愛情會比平常人困難，兩個人盡量喺過程當中學習，不過佢係圈內人，會明白我嘅工作。我係一個渴望家庭嘅人，希望三十五歲可以結婚生仔，不過諗係咁諗，到時嫁唔嫁得出，𠵱家冇人知。」
拍攝期間攝影師指李心潔某些角度與郭羨妮相似，令人聯想到李心潔的男友彭順有一位孿生弟弟彭發，兩人外表極度相似，李心潔亦表示試過錯認兩人，不過現在她以肯定的語氣說：「𠵱家一定唔會認錯啦，佢哋有好多地方唔同㗎。」可見當你愛上一個人時，他便是與眾不同。
採訪：卓美娟 攝影：林德雄