若然你未諗到今日有邊度地方去嘅話，咁就不妨參加喺屯門黃金海岸酒店舉行嘅車迷嘉年華喇！
屆時將有大量與汽車有關嘅資訊展出，當中包括改良汽車展覽、汽車美容護理、汽車配件裝備等等，同場重會展出多款富士車系，除試駕全新Legacy或Forester可獲贈紀念品一份外，重有一系列富士汽車精品及配件發售，部份更可享低至一折嘅優惠㖭！而代理Dunlop輪胎嘅太亞（香港）有限公司，亦會展出旗下最新輪胎產品，即場選購更可享特別優惠。
呢個車迷嘉年華活動嘅舉行時間，係由中午12時至晚上7時，入場費為每位30元，11歲以下小童免費入場，而黃金海岸酒店更會送你價值港幣30元嘅遊戲券，場內重設有兒童攤位遊戲及充氣彈彈跳等等，啱晒一家大細！