八方早兩日聽到張永霖會同前妻復合，但當時搵唔到佢哋求證。後來終於搵到歐寶珴本人求證，聽到消息後，佢話唔好笑死佢啦，呢的唔係事實。佢話𠵱家身在新西蘭度假，一切返到香港先再傾。
至於張永霖本人，現時則身在香港，二月底正式離開電訊盈科，上周班同事重請佢食晚飯餞別。電盈亦已宣布，張永霖會喺今日退任公司執行董事及副主席一職，數吓日子原來佢喺九四年加入電盈前身的香港電訊，唔經唔覺已經十年。
主席李澤楷話，多謝佢過去十年所作嘅貢獻，並代表全體同事及友好，祝願佢日後事事順遂。記得十年前張永霖離開國泰轉投電訊前夕，八方上太古大廈訪問佢，滿房都係畫，佢話有一樣嘢要學，就係笑；眨下眼佢又告別電訊，祝佢將來笑得更燦爛。
傳真︰2623-9278
電郵︰