今日開倉：
$100唔使買結婚孖公仔
今年雙春兼閏月，最旺情人拉埋天窗辦喜事，今日連Keroppi同女友都話要戥你高興，大割價齊齊做新人賀禮咁話，同場重會拉埋一班朋友仔激減贈興。
記者：張銘恩 攝影：梁細權
模特兒：Bel（RichStrategy）
送禮自用皆冧
嫌彩色版普通，咁就要睇睇呢對白之戀人喇！細細對有埋燙金硬盒做包裝，夠晒矜貴。
正！減價場稀客MyMelody都有份，重以一身格仔背心裙加上手抽小籃的村姑Look現身，好有夏日風味，另有同款掛繩公仔。
Cutie小電器Kitty最出色
又係大紅人Kitty姐，表面佢係一個好普通的座枱筆筒，實際上佢重係一部收音機，可聽AM及FM，而對腳就係Tune台掣，都相當蠱惑。
個人物品夠實用
超級可愛的HelloKitty耳筒收音機，頭上花花乃開關掣，而對精靈眼仔就可以用來Tune台，勁搞笑！但只可聽FM及可存四個記憶。
燶面Kitty配埋夏威夷大花，呢個夏日造型認真過癮，另外又有曉閃燈的大口仔掛頸風扇，兩款都是用兩粒2A電芯。
雨季將至，不妨趁減價買定雨具，今次開倉的長遮用料都算結實，有大口仔及Kitty選擇。
重有新幹線格綿手抽袋，Cute爆燈！
甚有DiorFeel的KittyMonogram織花方形手抽袋，非常厚料硬淨，抵挽！
家品4折起
多個Character的毛巾套裝，包括有兩條小方巾及同款側孭袋仔，熱天好啱用。
尼龍HelloKitty印花ToteBag，兩色選擇。
夏威夷花Kitty水樽，容量1.2公升，裝滾水絕對NoProblem！
久違了的XO都有加入戰團，今次出動的武器有枱墊加杯墊，非常精美搶眼，一Set內重有4套咁多㖭。
減價資料：
日期：即日起至3月14日
地點：全線SanrioVivitix及SanrioGiftGate
查詢電話：21498676
超抵買的新幹線有耳玻璃杯，重可以襯埋大碗一個，真係食飯都笑得出。
細細個最啱裝零食，老翻都唔止呢個價。