今個星期碟場人氣話題，係新返咗隻《舒特拉的名單》dts版（1區），這套1993年拍成的巨著，被史匹堡自己評定為「一身事業中最有滿足經驗的作品」；今次《舒》珍藏版，當然首Sell係dts超靚聲啦！雖然行dts數據資料會多咗，不過由於行單碟雙面，所以一隻DVD碟已經完全收錄哂！
小記打開呢套BoxSet，發現隨碟重附送有一本電影靚靚相片集、電影音樂CD、珍藏證書（獨立編號）同電影菲林格，都叫幾有聲勢！另外，小記翻查電影資料，1993年《舒》戲院版，片長為187分鐘，不過今次珍藏DVD版片長就有成197分鐘，不過盒面又冇標明係加長版，有冇加長片段，真係有待進一步證實！