賭王何鴻燊的元配黎婉華早前辭世，有報道指賭王以二姨太藍瓊纓公司買入黎婉華的物業，明益二姨太。前晚藍瓊纓的女兒何超瓊一身黑色服裝出席珠寶活動，她回應指物業買賣乃賭王的決定，更首次表明立場指「我哋係一家人」，更指黎婉華的女兒何超賢等均是她「家姐」。
瑞士珠寶品牌deGrisogono在中環國際金融中心的新店前晚舉行開幕活動，創辦人FawazGruosi專程來港，賭王何鴻燊千金何超瓊（Pansy）、榮文蔚、郭志怡、石寶莉等均有出席。
賭王早前表示要打黑呔一個月悼念亡妻黎婉華，Pansy前晚亦一身黑色服裝示人，問到其母親二姨太藍瓊纓的公司，在黎婉華離世前收購黎的物業，Pansy一提家事即以官腔說：「第一，我唔清楚。第二，我媽咪冇處理過呢個投資項目，佢只係公司股東之一，呢個係何生（指父親何鴻燊）嘅決策，你哋問番佢啦。」
至於為何不出席黎婉華的喪禮，Pansy坦言與黎婉華不常見面，亦沒有「好親切的聯繫」，她解釋說：「我媽咪唔喺香港，我亦一早安排咗去好遠嘅地方公幹，冇辦法。不過，唔需要同你哋傳媒公開交代。」
Pansy更首次表明對家事的立場，她說：「總之我嘅立場係從來冇變，佢（指大媽黎婉華）係我哋屋企人，係一家人嚟㗎，佢哋（指黎婉華的女兒）亦係我家姐。」Pansy續說：「我爹哋作為一個八十幾歲嘅男人，要承受好多壓力，又有咁多無謂謠言，我梗係唔開心啦！真係唔想再講。」至於為何十姑娘何婉琪缺席喪禮，Pansy亦不予置評。
今次珠寶店開幕活動由Pansy的公關公司宣傳，其後她宣傳珠寶時即非常合作，主動示範兩款新表，公私立場分得很清楚。
採訪：RitaLeung
攝影：RickyChan
