智能身份證宣傳大使李克勤，終於到了他出生年份換取新身份證，昨日他到換領處辦理領證手續，拿着舊身份證的他，表示十分不捨得。克勤又以過來人自居奉勸到期換證的女士別化濃妝，否則後果自負。
李克勤昨日到尖沙嘴的智能身份證換領中心，領取他的新身份證。他在三時到達中心後，即時到櫃位辦換領手續。
由於換取新證，需要把自己舊有的身份證交回辦事處，克勤拿着該舊證時顯得依依不捨，還說：「真係好唔捨得㖭，如果自己可以留起佢就好喇！」
稍後克勤便到櫃位，由該處的工作人員為他確認手指模。但在等候期間，聽到有職員廣播領取身份證的名字時，克勤突然興奮地說：「咦？我好似聽到係叫關淑怡呢個名喎！係咪真係嗰個關淑怡呀？」
身為身份證宣傳大使，克勤十分稱職，他表示自從廣告播出後，很多朋友都曾向他諮詢有關領取身份證的問題，他說：「好多時我都收到電話，有啲朋友會打嚟問我，佢嗰個年份出世，幾時要換證啦。不過最好笑嘅係我聽唱片公司同事講，噚日有個中年男人去TVB搵我，佢因為幾大聲，所以啲保安員都出去睇佢做乜事，原來佢話要搵李克勤換身份證喎！呢件事都幾好笑，但佢搵錯地方囉！」
另外，克勤又提供影身份證相片的小貼士，他說：「如果想影相靚啲，最好着深色衫啦，因為個身份證底色好淺嘛！而女士就唔好化濃妝，真係要化就輕手啲。如果『正常』咁嚟影，張相就會正常㗎喇！」
採訪、攝影：王連連
