廣興國際（1131）謎底終於逐步揭開，原來雪糕佬調查分析員同埋芬佬是否有蠱惑。
呢件事不單令經紀黃成個人謝晒，亦令小初覺得疑惑，實情所謂基金愛股同埋大行報告，究竟重信唔信得過呢？
經紀黃話，廣興事件爆發之後，就算呢排芬佬唔避嫌，佢都暫時唔會買中小型股。
但年輕賓架就唔係咁睇，佢話一啲質素唔掂，其貌不揚嘅股仔，如果無端端有人睇起，就話有古怪啫，但如果公司本身大大間，質素又好，斷估唔使出蠱惑，都會有分析員出報告唱好，同埋有芬佬自動買入。
好似早排經紀黃品題嘅魏橋紡織（2698），唔少人估佢會趁出業績炒一轉。
噚日魏橋公布全年業績，盈利上升88%，賺5.42億元，較招股書重高出些少。公司本身有保母同埋多間大行捧場夾護航，加上下周會見芬佬，股價有力再挑戰高位。
魏橋昨日微升唔夠半個巴仙，收13.60元。
慕容小初