收費電視NOW寬頻為咗一次過滿足成年觀眾對資訊同色情嘅需求，引入全港首創嘅主播除衫節目，即係女主播一邊報道新聞，一邊除衫。其實呢家嘢都好考演技，女主播要一本正經咁讀住篇新聞稿，同時又要好唔正經咁輕解羅衣，剝到冇嘢好剝為止（圖）。
呢種表演節目，喺世界人類學同新聞學上都已有一段歷史。話說當年蘇聯解體之後，俄羅斯M1電視台要面對市場競爭，請咗一位金髮俄羅斯女郎做新聞主播搶收視，一邊報道一邊除衫。結果呢個節目名震天下，連CNN都有報道。台灣一間電視台前年跟風，不過收視率隨住觀眾失去新鮮感而下滑，節目冇耐就停播。
傳真︰2623-9278
電郵︰