除咗《拳霸》之外，原來有部份潮界街童最近都愛睇《迷失東京》。水貨大亨袁仁祥經常港日兩邊穿梭，雖然佢喺日本只徘徊VintageHotel、百果園一帶，但佢對《迷失東京》有深入見解：「呢套戲啲酒店全部喺新宿ParkHyatt拍，中間出場班中年潮人，唔好睇小佢哋，其實佢哋係裏原宿嘅叔父級人馬，喺日本潮界有啲影響力。其實話呢套戲唔係講愛情，係講潮流至真。等於蠱惑仔睇《天若有情》同《古惑仔》系列，特別有感情，所以身為潮人一定要睇呢套《迷失東京》咯！」被袁仁祥咁講，實在有點心動，佢繼續：「唔怕話你知，我有條針喺原宿，佢同我講，其實呢套戲聽講係真人真事改編，劇中女主角據聞原來就係導演自己（即哥普拉個女SofiaCoppola），咁戲裏面佢老公即係SpikeJonze（潮界導演，有份搞Jackass），至於飾演拍廣告嗰位失落中年，據講真人就係JohnMalkovich（即係《玩謝麥高維治》嘅男主角）。最搞嘢係戲裏面嗰位到日本宣傳新戲嘅女明星聽講係CameronDiaz（即係做《神探俏嬌娃》裏面位高妹。聽咗呢個傳聞後，你話套戲係咪過癮好多？）」
主持人：大食Jack
八卦熱報：