近排DC界真係好熱鬧，多間大廠均宣布推出800萬像素嘅機種，繼SONY、Nikon同Canon後，最新加入戰團有Olympus。新機C-8080乃該廠首部配備800萬像素嘅DC，相片最高解像度達3,264×2,448，而動畫拍攝亦有640×480（15fps），兼且可收錄埋現場聲音，令Fans期待度大增。廠方更特別開發一種名為「TruePicTURBO」嘅技術，不單令相片更為清晰細緻，而且亦可令相機快速起動，及增加連拍速度。
除高解像感光元件外，C-8080亦特別強調WideZoom呢個字眼，最Wide達28mm，跟之前麗確部G4Wide一樣，以中價錢嚟講算較少有，起碼用家毋須另花一筆錢購買Wide鏡，而且跟Nikon同級機作風一樣，採用「低色散」嘅ED鏡，令相片效果更出眾。由於鏡頭以Wide為賣點，故此變焦效果方面唔會太出眾，只有5倍光學變焦，雖然跟市場上嘅「長距變焦」有所不同，不過反而可吸納一班寧要「廣角」嘅用家。 記者：徐影龍
官方網址：