近年動作多多嘅Smart，繼推出多款如Forfour及Roadster等等嘅新車後，較早前佢哋又宣布進軍SUV級別，以求有更高市場佔有率之餘，亦可從而擴大Smart車系嘅範疇。
記者：鄭達基
從預想圖中可以睇到，有望於2006年推出、並走小型SUV路線嘅SmartFormore，外形似足一架概念車，匹配較大尺碼嘅胎軨組合，雖然廠方未有公布關於車廂布局嘅資料，但一般相信佢會以空間寬敞舒適，同埋座椅鋪排靈活多作賣點。
與此同時，廠方亦未公布新車嘅機械配搭資料，僅表示會配用一套四驅系統，以配合車輛行走任何路面，新車將於2006年率先在北美市場推出，但身處香港嘅車迷，話唔定亦有機會與之見面㗎！