銀行為推廣人民幣業務絞盡腦汁，有啲向第一個客送禮物，有啲開戶就有禮品，恒生銀行亦都唔簡單，噚日喺總行舞金龍，相當熱鬧。不過，最有宣傳作用嘅，就莫過於身體力行，因此恒生兩位管理層、常務董事兼總經理莫偉健同助理總經理兼零售銀行服務主管劉順銓，喺未有準備之下，應八方同埋一班行家要求，即場每人開一個人民幣戶口。
兩位大哥開戶存幾多錢呢？劉助總話，「每人最多兩萬」，莫總就唔肯講，「呢啲係私人嘢」。不過，莫總開戶時，同八方講話會幫老婆開埋戶口，相信總存款冇四萬，都唔會少過劉生啩。
傳真︰2623-9278
電郵︰