iPodMini簡直可以用潮爆嚟形容，機都未出又冇測試報告，就已經有10萬部定單，2月20號美國開賣，幾日間周圍都大嗌缺貨！香港就率先有其中兩隻色嘅iPodMini到場，不過差不多俾人訂咗一半。
記者、攝影：朱崇德
玩5色設計的iPodMini（銀/金/紅/藍/綠），雖然暫時只在美國本土獨賣，但水貨商JCShop前日率先引入到港；暫時只有銀、藍雙色到埗，其餘3隻顏色預計下星期到齊，總數大概為250部。必搶顏色為綠、銀iPodMini，事關美國嗰邊都冇貨，JC扣除預訂定單，呢兩隻顏色大概重有各20部餘貨，不過有心買真係要快手！
iPodMini可以用大瘦身嚟形容，機身只有3.6×2×0.5吋，淨重3.6安士，相對舊版嘅6.2安士，輕身咗41%；不過容量相應減少，只有4GB！儲存數量大概有1,000首歌，不過內置電池一樣達8小時播放時間。據JC負責人表示，iPodMini美國現時售約二千港元，香港水貨定價$2,680，差額主要用作彌補專人速遞成本。而行貨暫定4月推出，機價約二千頭。
查詢電話：31022783
地址：香港銅鑼灣時代廣場833號舖
