早前陳慧琳（Kelly）替無綫拍攝的音樂特輯反應不俗，故此添食拍攝第二輯，男主角仍舊是馬德鐘，該音樂特輯將於周日播映。
Kelly在特輯中飾演一個跛腳的餐廳侍應，除了要落單和搬碗碟外，還要給客人送外賣，其間她更被河國榮抽水摸手仔。
問Kelly扮演侍應是否辛苦？她說：「我一啲都唔覺辛苦，重覺得好好玩。畢業之後，我就做咗藝人，未試過其他工作。至於話俾人抽水，河國榮只係點到即止啫！」
Kelly表示拍攝特輯體會到電視藝人的苦況，因為拍攝時間又長又趕，她說：「我好佩服馬德鐘，因佢同時要拍劇，又要做宣傳。有時見佢兩日冇瞓覺，覺得佢好似鐵人。」
