姊妹花組合2R日前為拍《娛樂大搜查》而走入廚房，兩人在師傅指點下，即席做魚蛋妹學唧魚蛋及炮製魚頭煲，二人弄得香汗淋漓又油煙四濺，難怪妹妹Race事後即說：「真係煮得有血有汗㗎！」
環球姊妹花組合2R日前在黃澤鋒於尖沙嘴所開的「麻辣小喇叭」火鍋店中，拍攝無綫《娛樂大搜查》入廚炮製魚頭煲的片段，從小就十指不沾陽春水的妹妹Race（黃婉伶），這次卻當起大廚，臨急抱佛腳學煮餸，但在她亂整亂製之下，食家黃如在試味後竟給她八十分，令Race欣喜若狂。
當日無綫先安排廚師教授姊姊Rosanne（黃婉君）煮魚頭煲，再由Rosanne轉教Race，由於大隊要現場收音，所以要關掉廚房冷氣及抽油煙機，而流着一身大汗的Race就要在密室中切洋葱和蒜頭，難怪Race笑言她的處女魚頭煲真的有血有汗。
日前Race在電話中說：「嗰日我猜輸咗，輸咗就要煮魚頭煲，個廚師先話畀家姐聽要點整，家姐就再講畀我聽，但佢又記唔晒啲步驟，我二十年都冇入過廚房，喺個廚房入面又熱又猛咁流汗，重要唔記得點整㖭。」
首次做魚蛋妹的Race，學唧魚蛋也感難度甚高，她說：「魚蛋入面釀咗啲鵝肝，好容易唧爛，我啲魚蛋都幾好㗎，反而整魚頭煲真係好難，又要煎又要落啲唔知乜嘢薑同汁，一路煮就一路被油彈，所以煮得有血有汗，但連個食家都覺得好味，佢畀八十分我，我畀自己二百分㖭呀！煮嘢其實好好玩，但下次食魚頭煲，都係出街食好啦。」
採訪：朱倬誼
