李嘉欣在娛樂圈工作多年，日前她接受訪問時，批評時下電影圈不但沒有進步，還不斷在退步，令她感到失望。但嘉欣表示因見每份工作壓力都很大，才選擇做生不如做熟，繼續留在娛樂圈發展。
李嘉欣最近為時裝雜誌《WFD國際服裝動態》擔任模特兒，穿上多套性感春裝示人。嘉欣在訪問中大膽批評香港電影圈多年來不但沒有進步，而且還一直在退步，令她十分失望。雖然如此，嘉欣從未想過退出娛樂圈，但會選擇只做一些自己想做的工作。
談到香港的電影圈時說：「唔單止冇進步，簡直係退步，我當然有啲失望，但都唔係我一個人去面對呢個形勢，𠵱家可以做嘅，係搵多啲自己覺得好玩嘅事情。你話做藝人壓力大，有好多會令你唔開心嘅事，但一個朝九晚五嘅打工仔一樣有好多壓力，一樣要處理同老闆或者同事之間嘅關係。」嘉欣近年主演的港產片票房成績均未見理想，其中成績較好的《愛情白麵包》於○一年上映，亦只收一百八十萬，《漂流街》收一萬五，而去年上映的《Miss杜十娘》則收二十六萬，未知是否正因如此，才令嘉欣對電影圈感到意興闌珊？
而問到嘉欣可覺得做女人是一件慘事？她說：「最近同一位女性朋友講起呢樣嘢，但佢嘅反應竟然係覺得做男人重慘，要挑起家庭重擔，一個要養家嘅男人如果唔夠運嘅話，佢就會好慘。」
早前嘉欣拍攝了內地劇集《畫魂》，她為了演好潘玉良一角，曾跟老師學畫畫。嘉欣說：「我主要係跟老師學開筆，希望拍攝時唔會俾人覺得我完全係個外行人，另外喺拍攝現場都有專人同我跟進。」嘉欣又表示拍完《畫魂》後，曾有意真正學畫畫，但因時間未能配合而打消念頭，她說：「我覺得畫畫係可以陶冶性情嘅藝術，不過𠵱家冇時間，畫畫要好靜心同埋要持之以恒。」