飲食人誌：
老外學廣東話𠱁客人開心

鬼佬識講廣東話不出奇，但講到很地道的就不多。「灣仔好陀地！」「唔掂呀！」這些話出自鬼佬口中。在灣仔一間新開的運動主題酒吧任經理，Niall好識冧客，個個客都恍如他的朋友，其中一個原因是他識講廣東話。

記者：馬靜兒　攝影：梁翠妍

來了香港十一年的Niall，因為周圍的人不大願意講英文，所以他就用自學方式，一句一句的學廣東話。「我首先學的廣東話是Taxilanguage，即是跟的士司機講目的地的廣東話，如銅鑼灣、灣仔和中環等。我每日都向廚房的同事請教，例如Chicken，我用自創的拼音『Guy』，每一個中文，都用這種拼音去學。學完講就學看中文字，現在走入酒樓，我都可以看懂餐牌點菜，甚麼乾炒牛河、揚州炒飯、咕嚕肉，我都懂看懂叫，無問題。」

本地、鬼佬客各半
「學識講中文，最大的好處是可以『媾』到很多女仔。講笑啫！來這酒吧的人一半是本地人，附近好多人返工，中午有很多客來，鬼佬就HappyHour和星期六、日多啲。灣仔好陀地，本地人大多九點後才來。人客來到酒吧，我跟她們講中文，讚她們靚，她們就會開心啲，自然會坐耐啲，開心自然下次會來幫襯啦！有時客人鍾意留下來睇波，有賽事又多客想睇，咪開通宵囉！大家一齊睇，有時重可以學到多啲地道啲、In啲嘅中文，知識就是咁樣學返來！」

烈酒煮意粉
忌廉龍舌蘭酒煮雞絲天使麵$68：酒精含量甚高的龍舌蘭酒，用來煮意粉，吃罷會不會醉？答案：不會。天使麵麵條幼細，吸收了龍舌蘭酒加入忌廉煮成的醬汁，酒香和忌廉香充份散發出來，但酒精在烹煮的過程中早就揮發。

四人份量
超級漢堡$88：用足十安士純牛肉，加車打芝士、煙肉及洋葱圈做成Niall手中的超級漢堡，份量之大，足夠四個女仔分享。純牛肉中沒有加入其也香料，味道只靠牛肉本身的鮮味，咬落很Juicy。

墨西哥小食
辣味拼盤$80：墨西哥風味的小食拼盤，包括橄欖芝士番茄薄脆、釀雞翼、焗薯皮及香辣肉腸。每款都有點辣味，其中釀雞翼將剁碎的雞肉加入香料釀入雞翼中，啖啖肉。

中式薄餅
北京填鴨薄餅$76：味道跟吃北京填鴨沒有分別，脆皮的鴨絲連填鴨用的醬汁都有，另加蘑菇及意大利Mozzarella芝士等材料，豐富了薄餅的口感。

熱賣啤酒
ChampsBrew$40/杯；$240/桶：特別叫酒廠釀製的自家啤酒，是酒吧的HotItem。

鬼佬杏仁糊
Shaq'sStrawberry"NOTSoShort"Cake$60（前）：意大利杏仁酒加新鮮草莓和香草雪糕，質感似奶昔，杏仁味很重，入口似杏仁糊。
WildberryBreeze$40（後）：桑莓和草莓混合的思樂冰，香甜的莓子味道，沒有酒精，適合不飲酒的人士。

ChampsBar
地址：灣仔灣仔道209-219號
電話：28335566（內線1540）
營業時間：星期一至五11:00am-12:00mn；星期六及日11:00am-約2:00am