八方前日寫「香港發展論壇」係幫梁振英組班，作為成員之一嘅郭文緯嗱嗱聲打電話畀八方同事澄清，劃清界線。
呢位老廉前執行處首長郭生話，自己同梁振英唔算好熟，只係某次喺社交場合遇到，講起佢喺港大教嘅廉政課程，梁振英即時表現得好有興趣，佢於是就請咗呢位特區紅人做課程主禮嘉賓。
郭文緯話，參加「香港發展論壇」，純粹係希望社會多個場合理性討論，佢自己肯定唔會參政，更加冇諗過要做乜乜人嘅班底，叫大家唔好誤會。
「一國兩制」嘅美籍華人陳啟宗無端端鬼咁熱心做港發壇召集人，又好難怪人唔會聯想佢係咪同緊個老友梁振英抬轎組班。
何況𠵱家梁振英最近已經改咗口風，冇再話N屆都唔會競逐特首，郭兄若無意，就唔好行咁埋啦，免生誤會。
傳真︰2623-9278
電郵︰