由米路吉遜自編自監自導的新片《受難曲》，內容描述耶穌被釘十字架前十二小時的經歷，畫面血腥暴力，前日在美國上映時，有女影迷在看戲途中心臟病發死亡。香港娛樂圈有不少虔誠教徒，他們對《受》片都十分關注，更直言在港上畫時必會入場觀看。
採訪：比華利
張堅庭：
其實耶穌基督嘅受難場面，受苦真係比我哋想像嘅大，場面係好震撼。我上映時會去睇，當重睇聖經嗰一幕，可以嘅話重會帶埋個仔去睇。
陳淑蘭：
我一定會去睇呢套戲，因為主耶穌基督釘十字架，佢付出痛苦為我哋贖罪，平時睇《聖經》就睇得多，希望呢部戲可以演繹出嗰種意義出嚟。如果我睇到好血腥、好驚嘅場面，我考慮掩眼迴避。
陳松伶：
我留意咗《受》片好耐，米路吉遜都係我好欣賞嘅導演，呢套戲喺香港上映時我會當真人真事咁睇，但唔會驚啲血腥，始終電影唔係真實場面。
薛家燕：
我身為基督徒會好想睇，當係一個見證，耶穌基督當日被釘上十字架為世人受難好偉大。我係演員，入場睇戲都唔會驚血腥場面，不過我怕睇到嗰幕會忍唔住喊。