向海嵐、楊思琦、郭羨妮和歐陽震華等，前晚在銅鑼灣出席無綫劇集《鴨寮街的金蛋》（前名《鴨寮下的金蛋》）煞科宴。眾演員夾錢請台前幕後工作人員食飯。
現時體重減至一百六十磅的歐陽震華近日消瘦不少，他說：「我開工都冇時間玩，同埋戒咗啤酒。」他談到生育大計時說：「如果有就喺屋企開工，唔使喺呢度開工，其實呢排接劇多咗。」向海嵐則表示近期忙於為好友郭可盈籌備下月的婚禮。
此外，對於早前有報道指楊思琦十分孤寒，不會「萬歲」請工作人員吃飯，她說：「我初初唔知規矩，請台前幕後食嘢冇所謂。近排我眼發炎，因為玩完動物冇洗手，細菌感染囉！」
採訪、攝影：卓寶花