民主女神余若薇噚日喺立法會仗義發言，大快人心。煲呔的確毋須匿埋喺政府總部做權威消息人士，老董更唔應該做縮頭特首唔挺身而出撥亂反正，佢若果真心為香港，就應該喝停班土共，唔好再發極左花癲。
但佢若然有咁嘅原則，老江又點會欽點佢？廢董冇去挺啲立法會同事，反而微服出巡去咗黃大仙，話要同各階層接觸，「深入體察民情」喎。結果佢同協和書院嘅師生繼續高唱「教育係培養人才嘅投資，有財赤都唔會減」嘅老調（對住中大嘅學生，佢曾經都咁講過），之後佢又去睇行人天橋嘅進展，同街坊商戶聊天，最後重特登去銀鳳街一帶視察衞生環境有冇改善兼檢查煲呔成績，對於近日土共撥火嘅行為，一字不敢評論。
（圖）老董走去巡黃大仙，重走入茶餐廳搵人握手。 政府新聞處圖片
傳真︰2623-9278
電郵︰