「天津市城建項目洽談及展示會」噚日請咗孫公（左）同彤叔（右）呢對歡喜寃家做主禮嘉賓，重編佢哋喺台上排排坐，認真唔知碇。八方見到佢哋有互相笑住祝酒，但就冇開口講紅灣半島單官司，兩人反而俾記者追住問勾地。孫公話近期係多咗發展商想勾地，反映佢哋對樓市前景有信心，當然一切向錢看，畀夠錢咪有得勾囉。
愛國愛黨人人要過關，孫公冇例外，佢嘅標準答案係，「大家都愛國」。講開孫公，都要幫佢澄清吓，就係有八卦新聞話佢上個月去聽DionneWarwick演唱會時，「同旁邊嘅人雞啄唔斷」，非常無禮，孫公嘅新聞秘書話孫公嗰晚根本冇去聽歌，而係同傳媒春茗，真係寃枉。
程志遠攝
傳真︰2623-9278
電郵︰