自己做：
毛毛X貼紙　笨矮櫃當堂好省鏡

你大抵不會相信眼前這個矮櫃，前身是件油漆脫落、滿身花痕及原子筆迹的舊家具！然而，只要動幾下手把它以顏色貼紙重新包裝、用毛毛布圍邊，醜小鴨都真可蛻變成天鵝！連帶成間屋都省鏡埋。即席示範如何將殘舊矮櫃，瞬間變成簇新的靚家具。

記者：招佩珊　
攝影：黃子偉

櫃身遮醜一味靠黐
粉飾新櫃因愛靚，皆因原木色的外觀實在很土氣，何況又毋須勞師動眾要油漆，簡單貼幾塊貼紙即可。至於粉飾舊櫃則可以遮醜，油漆脫落、刮花、膠紙痕等統統都可用一大幅貼紙遮住，更可剪出不同圖案作點綴添美感。

步驟

自置功能變兩用梳妝櫃
矮櫃上大可自置一塊鏡，組合成一物兩用的梳妝櫃。若想兩者更合襯，可將顏色貼紙及小鏡片拼貼在相架上，同樣用毛毛圍框邊，完成後放在櫃頂上，便成了襯到絕的梳妝櫃。

步驟

其他掩眼法
不愛這麼花巧的，還有其他做法更簡單、令矮櫃望落更企理、兼更添個人品味的變身法。目的都是要令櫃內的物件有遮有掩。所以最直截了當的方法，就是用不同的掛簾作裝飾；而用來整理文件的鐵圈更是用來穿起掛簾的好幫手。

懷舊珠串
家居布置回到六、七十年代，用珠串來裝飾就相當合襯。

塗鴉膠簾
廚房用的矮櫃，杯盤狼藉，但又要顧及方便拿取杯杯碟碟，所以透明膠簾就最大派用場。還可在透明膠上發揮塗鴉創意，表現個人品味呢！

頭巾變布簾
最有趣的地方是以文件夾來掛起布簾。做法非常簡單，只要掛起木桿、套上鐵圈及穿上文件夾，便可夾起頭巾，毋須縫線方便到極。

小秘技
間尺刮貼紙不起「泡」
黏貼大幅的貼紙時，好容易貼到凹凸不平起晒「泡」，但又不可撕起再貼過，因此，不妨在撕去底紙的同時，用間尺順勢在貼紙上面邊貼邊刮，這樣便可貼得更平滑。