七十多歲的袁合，在西營盤賣雞賣了半個世紀，一個小小的舖位，是她一家八口每天謀生的天地。衞生福利及食物局局長楊永強昨表明最少數個月不輸入內地活雞，令袁婆婆全家面臨失業。昨日是袁婆婆一生人首次上街示威，她不斷質疑：「政府做乜要搞到我哋冇飯開，市民捱貴雞？」
到底能獲多少補償金，袁婆婆顯得一面茫然，「我間舖自己買㗎，都唔知有冇得賠，我七個仔女、新抱、外甥都跟我搵食，就算佢（政府）賠五千、一萬，又有乜用？」記者為袁婆婆算一算，以新鮮糧食店計，若繼續營業，每月可得五千元補償金，若暫停營業每月可獲共一萬元，以三個月為限。事實上，自港府上月底宣布暫停輸入內地雞後，袁合的雞檔生意即時下跌八成。
袁婆婆慨歎：「以前幾辛苦都好，起碼一定有嘢做，𠵱家都唔知幾時先有番大陸雞賣，我賣雞咁多年，都未試過好似𠵱家咁惡做！」
本報記者