中國大陸一直都吸引到多家大車廠前來發展，並於國內生產商組成合資公司，生產適合國內道路使用嘅著名車款，如萬事得Mazda6及本田Accord等。
來自法國嘅標致汽車亦不甘示弱，將會於今年夏季，喺PSA集團與中國東風汽車合資嘅DongFengPeugeotCitroenAutomobiles（DPCA）廠房內，生產全新標致307四門房車型號；而廠方更預期新車響2004年底前，能售出15,000部，到2005年底嘅銷量，更預期可高達50,000部咁多㖭！
今次於國內推出嘅全新307四門房車版，係經過廠方精心改良及設計，不但達4460mm嘅車長，可營造出一個闊落嘅車廂空間外，車廂鋪排更有多個配搭供選擇；與此同時，新車更備有1.6公升（110匹）及2.0公升（138匹）型號，絕能迎合國內用家嘅需要！新車將率先於下月初舉行嘅日內瓦車展中亮相，感興趣嘅你就要留意喇！