中銀香港噚日除咗開展人民幣業務，更捐出一百萬元支持公益金籌辦嘅「及時雨基金」，八方都想藉此介紹吓，呢個基金主要係向身陷財困嘅個人同家庭，喺幾日內伸出援手。
八方知道，中銀香港副總裁朱赤噚日朝早要馬不停蹄去巡視各分行開戶嘅情況，但上午十一點幾佢都趕去出席儀式，同公益金執委副主席陳祖澤、籌募委員會聯席主席余錦基等人齊齊亮相。
大會為響應及時雨嘅主題，更特別安排咗一支小型水喉，噴向主席台，甚有落雨feel，隨後又有個小朋友擔住雨傘，唔知係咪意味公益金唔會落雨收遮，而係似一條大水喉，喺危難中仍然射住貧困嘅人呢？
（圖）中銀香港副總裁朱赤（左三）巡視人民幣業務之餘，都不忘亮相慈善活動。
傳真︰2623-9278
電郵︰