舒淇近日接受時裝雜誌《Bazaar》訪問，穿上新款春裝示人。舒淇自言近年已學會不再執着，因此心態亦比以前快樂得多，她說：「我覺得好多嘢都有佢嘅解決方法，始終個心放開啲容易啲。至於嗰啲拖拉已久嘅千年問題，都係忘記佢好啦。」
問到舒淇認為男人與女人哪一方的缺點比較多？她說：「喺我眼中，男人真係冇好多缺點，相比之下，女人嘅缺點好似重多。」而談到男人的缺點時，舒淇直言討厭醉酒後的男人裝瘋賣儍，她說：「啲男人第日會同你道歉，其實酒醉重有三分醒，既然知道自己做錯咗，佢應該知道做過乜嘢。」不過，舒淇聲言最怕沒志氣的男人，她說：「男人努力向上爬，係對自己嘅人生、家人同女友負責。而結婚後要對子女有責任感，假若男人變成負資產，乾脆大家一齊捱苦，事情總有辦法解決。我最討厭拋妻棄子嘅男人。」