「太太懷疑係我拍戲招來追訪」
學友承認夫妻嗌交

張學友和太太羅美薇近日被傳婚姻亮紅燈，學友正拍攝新片《江湖》，有傳他要求開夜班，避開跟羅美薇相處，他又在片場向好友劉德華訴苦。學友昨日凌晨開工時否認此事，他表示因為記者追訪羅美薇和其囡囡張瑤華，令囡囡不能上學，兩夫婦因而嗌交。

張學友、劉德華、曾志偉、林家棟、徐少強和苗僑偉等，昨日凌晨在西環拍攝新片《江湖》。該片出品人的譚詠麟（阿倫）除了親往探班外，還「萬歲」請吃消夜。

囡囡學校投訴
有雜誌報道學友和太太羅美薇婚姻亮紅燈，所以學友向電影公司要求開夜班，逃避跟太太共處，他亦在片場向華仔訴苦。學友對此說：「係志偉叫我開夜班，我自己做呢行，作乜寫乜冇所謂，但牽涉到屋企人就唔好，佢哋追訪我太太同個女好冇道德。」
學友表示早前接到囡囡張瑤華學校的來電，指學校門口守候了不少記者，學友激動地說：「搞到小朋友就唔好，囡囡重問我點解唔可以返學，我個心好唔舒服，講到底我唔係殺人放火，禍不及妻女，唔怪得呢行冇人生仔女。」問到學友近日是否跟羅美薇有拗撬，所以才有婚變傳聞，他說：「我同太太係因為呢個報道嗌交，太太懷疑係咪因為我返出嚟拍戲，曝光多咗，就有呢啲事發生，不過我唔知點解，志偉叫我咪接呢部戲。」

「阿倫神憎鬼厭」
對於有報道指在西環外景場地拍攝時發生鬧鬼疑雲，工作人員事前特別上香，以祈求拍攝順利，華仔笑說：「今晚阿倫嚟咗，佢神憎鬼厭。」當時身邊的阿倫正在調製咖啡，華仔又說：「佢搞緊符水。」有指華仔接拍《江湖》是執黎明二攤，他說：「我都係睇報紙先知，話學友同我訴苦，我哋講來講去都係工作，都冇講家庭，唔好亂寫，會影響人哋一家三口。」
此外，阿倫已辭退東魅主席職位，他說：「但我重流住StarEast嘅血，當日成龍叫我做主席，𠵱家佢都唔做，我做嚟做乜。」
採訪：魯萍　攝影：陳慧安