劉嘉玲、汪明荃和葉璇同為纖體公司擔任代言人，昨日她們打扮性感出席活動。嘉玲酥胸半露，穿上透視裝的葉璇上圍突出，至於尚未開始收身的阿姐則露出「麒麟臂」，她希望減掉贅肉後可以再穿比堅尼。
劉嘉玲、汪明荃和葉璇等昨日在灣仔出席「皇室纖形2004全新代言人簽約儀式」，三人均以性感打扮示人。阿姐表示尚未收身，體重一百二十多磅，目標是減掉十磅，她說：「我之前同羅家英去日本旅行，食咗好多，肥咗。」
昨日以低胸裝亮相的嘉玲鼓勵阿姐說：「阿姐咁勤力一定得，佢喺我心目中係十全十美嘅藝人。」阿姐表示若纖體成功，她都可以穿泳衣拍照。看到另一位代言人韓君婷穿貝殼比堅尼拍照，阿姐說：「如果我就要大啲嘅貝殼，或者要椰殼。我以前都着過三點式，希望纖體後出番條腰，今次酬勞有七位數字。」
至於穿上黑色透視裝的葉璇，上圍突出，大為搶鏡，她說：「呢件衫係大會安排畀我，我𠵱家瘦咗，體重一百零六磅，減咗十七磅，呢次酬勞有六位數字，我都好滿意。」
而嘉玲已是第四年任該纖體公司的代言人，問她可介意男友梁朝偉肥胖，她說：「就算佢面上多咗皺紋同變肥咗，我都唔介意。」
嘉玲獲提名應屆金像獎的「最佳女主角」獎，她說：「我覺得個個都有機會，我淨係睇過栢芝主演嘅《忘不了》，佢天生食呢行飯。」嘉玲又承認情人節因為迴避記者，臨時甩底，沒有到餐廳食飯。
採訪：卓美娟
攝影：仇志中
