早前舉行過「唱好女人」演唱會的張偉文將於四月初在伊利沙伯體育館舉行兩場演唱會，昨日於尖沙嘴美麗華酒店舉行記者會，表演嘉賓胡美儀現身支持，並送上一雙拳套及一支笛子給他以示鼓勵。
張偉文去年底才開完演唱會，又推出唱片，進帳不少，今次添食，歌酬亦有調整，張偉文說：「老闆好識做，加咗百分之二十畀我，令我可以發番啲老人財，算唔錯。」
張偉文憑着個人努力，獲得滿意成績，他認為社會上仍有真正喜歡音樂的人，故不認同陳慧嫻對樂壇的控訴，他說：「佢唔應該緊張啲數字，社會唔同咗，又有電腦，又有翻版影響巿場，如果有幾千人買飛嚟睇你演唱會已經算係唔錯。慧嫻人靚聲靚，我都唔贊成佢退出，希望佢想清楚。」
採訪、攝影：卓寶花