保安局局長李少光最近出訪美加，已經去咗成個星期，噚日佢喺加拿大首都渥太華拜會聯邦政府嘅執法部門，包括皇家騎警、邊境安全部以及加拿大公民及移民部門嘅主管，星期四一早就會返抵香港。
八方聽聞，李少光對此行非常滿意，「所有要見嘅人都見到，要傾嘅嘢都傾到」。李少光喺華盛頓見過國務院、國土安全部、司法部同聯邦調查局嘅官員，可謂馬不停蹄。
美加𠵱家重好凍，風又大，李局長冇機會四處去參觀。時間咁短，睇怕佢都冇法探舊上司葉劉咯。
（圖）李少光到訪加拿大皇家騎警專員，傾合作打擊跨境罪行，李局長重喺訪客名冊上簽名留念。
政府新聞處圖片
傳真︰2623-9278
電郵︰