陳小春、利嘉兒、盧巧音、鄧健泓、佘詩曼和名模蔣怡等，前晚在尖沙嘴出席新片《男上女下》首映。小春在玩遊戲時，忽然提到「木門對木門，竹門對竹門」，究竟小春揀選女朋友是否以這個做標準？他說：「我冇階級觀念，我唔係上流社會，唔住半山同豪宅，我搵女朋友都唔會用錢去衡量。」
假如富家女友追求他又如何？小春說：「咪當我係鴨，我有骨氣，唔會使女朋友錢，我揀女朋友要平凡啲。愛情係講溝通，溝通唔到乜都假，我唔係大男人主義，兩夫妻要平均啲，開心最緊要。」
至於利嘉兒則表示近日收到一名男子的示愛信，她說：「佢喺信裏面猛話我好啱做佢老婆喎。」
採訪：陳梅香
攝影：陳慧安