香港發展論壇神神秘秘喺猴年伊始成立，好多人都想起佢哋底，究竟搞邊科？
明眼人都睇到召集人陳啟宗係「一國兩制」研究中心執委會主席，呢壇嘢點會同「一國兩制」無關？於是有一個傳聞不脛而走。話說有一位城中名人，某日應邀出席朗尼陳嘅飯局，為港發壇埋班，點知一坐低就見到邵善波同梁振英兩個一國兩制嘅核心人物，雖然佢哋後來冇正式入會，但係嗰位仁兄都係死都唔肯落叠，食完就鬆，邵、梁真係咁可怕？
香發壇話就話搭個棚畀大家噴口水，但係睇吓班成員來自各階層，就知佢哋喺度埋緊一個治港班子，唔係點會有行會成員、老廉、候任律政司司長，重有準勞工部長、金融界同前高官。
喂，唔好話八方唔提醒有志問鼎第三屆行政長官嘅唐唐、田大少、吳光正：人哋已經郁緊，你哋唔好重懵閉閉，唔知碇。
傳真︰2623-9278
電郵︰