銀行就快可存人民幣，各大銀行秣馬厲兵打呢一仗，其中星展銀行可謂出錢出力。為咗要應付大量人民幣交易，同埋辨認偽鈔冇失手，星展花咗幾十萬買入一批人民幣數鈔機，放喺佢哋六十三間分行，咁都唔止，星展噚日重搞記者會，負責零售業務嘅董事總經理張耀堂相當落力，要親自示範數「人仔」，重同自己個同事鬥快。
八方其實都睇唔到辛尼張數錢情況，因為班攝記大佬包圍住比賽場地，但最後結果早在預料之中，結果佢要一分鐘先數完限定數量嘅鈔票，而佢同事……二十八秒就搞掂。
（圖）星展董事總經理張耀堂落場比賽，結果要成分鐘至數完叠「人仔」。
傳真︰2623-9278
電郵︰