陳冠希（Edison）日內將推出新碟，今次他不會用其靚仔照片作號召，反而在世界各地請了不少著名插畫家，製作八個不同的唱片封面，今次英皇十分落本，Edison說：「公司用咗六位數字去炮製呢張碟，我嘅參與程度亦好高。」
這次封面的創作意念亦是來自Edison，他說：「以前啲唱片封面都係用我啲靚仔相，但今次我搵咗MichaelLau同新加坡嘅Phunk呢班年輕有名插畫家幫我隻碟畫封套，真係好開心，一共有八個畫家幫手，所以呢張碟就有八個唔同封面。呢批年輕畫家有錢都未必請到，好彩有啲朋友同佢哋好熟，再介紹我認識，先可以有合作機會。」