中大校園上周出現學生強行圍車遞信嘅高難度動作場面，結果金耀基校長俾人拉走，信冇收到，學生同實Q發生推撞，有女生報稱遭非禮。
又難怪學生憤怒，廢董明明保證過教育經費唔會削，又話教育唔係開支，係投資，點知應承嘅嘢，通通不存在。中大校方提出學系及課程整合嘅建議引起不滿，嗰位頭戴白布，攔途請願嘅女同學黃彩鳳係現化語文及文代學系研究生，雖然佢嘅系受影響，但冤有頭債有主，罪魁唔係金校長，而係特區嘅廢董事長。正如黃彩鳳其後向保安人員及前線教職員發出嘅公開道歉信指「學生會不是只為保護校譽而存在」，但校譽就係由學生建立，亦係由呢個政府嘅信譽來維持。
中大好多校友見到母校今日俾廢董一手分化，都大感心痛。曹仁超最近提點啲後生仔女應有三戒，一戒自己未懂就盲目批評，二戒遇到挫折便投訴，三戒詛咒別人。最重要係政府要戒講大話。
傳真︰2623-9278
電郵︰