煲呔曾做主席嘅政制發展專責小組，口口聲聲話好有透明度，點知原來私下見咗好多人，都冇同日日去政府總部採訪嘅傳媒單聲，真係唔知佢透明成點。
話說八方行家每日都要問一次專責小組，聽日又安排咗見邊個，點知八方噚日揭開專責小組畀立法會內會嘅文件至發現，煲呔原來喺上星期五，見咗李福善同查濟民，但係當日傳媒只知道佢見過廠商會同早餐派議員，對李、查兩老有出現過毫不知情。
八方於是向專責小組問個究竟，點知有人話小組一貫做法係唔會主動事前公開見乜嘢人，但係如果有傳媒問到，佢哋都會「盡量」提供資料，方便大家運作咁話。
咁有選擇性扣料都叫有透明度又公開，真係同點叫愛國一樣有排拗嘞。
傳真︰2623-9278
電郵︰