警隊前任一哥曾蔭培自從退休之後，除咗上個月返母校金文泰中學出席過一個活動，就深居簡出，享受優哉游哉嘅退休生活。但城大就好有面子，請咗呢位前一哥出席後日喺城大商學院舉行嘅「行政人員工商管理碩士」課程做主講嘉賓，講題係「在轉變中維持穩定」。
曾蔭培以前做一哥嗰陣，成日都話社會治安穩定係最緊要嘅，一哥講呢個題目一定會好稱職。另外，早前有傳曾蔭培會加入新世界集團打工，但𠵱家重未落實，八方諗如果佢唔做打工皇帝，都可以去大學做客席講師，一定會有好多學生爭相聽課。
（圖）曾蔭培後日會為城大商學院嘅「行政人員工商管理碩士」課程做主講嘉賓。
傳真︰2623-9278
電郵︰