喺日本寫真界最掂嘅YellowCab事務所，近年已經去到一個無孔不入嘅階段，鬍鬚社長野田義治旗下力捧嘅性感女星，好似小池榮子同佐藤江梨子等，都已經成功上位，而MEGUMI同根本春美亦唔執輸，佢哋連手機服務都唔放過，拍攝咗一系列嘅鈴聲短片，隨時隨地冧fans！
甚有生意頭腦嘅鬍鬚社長，最近同手機服務公司CyberEden合作，推出手機鈴聲短片，為咗省靚個招牌，上年年尾根本春美已經喺打頭陣嘅短片入面施展渾身解數，當手機響起嗰陣，用家可以見到根本春美手快快咁除去上衣，向fans大晒巨胸，認真噱頭十足！
如果fans想享有呢種服務，每個月就要畀二十幾蚊下載費，正所謂山大斬埋有柴，絕對可以為事務所帶嚟相當唔錯嘅收入。最近呢個服務又推出新版本，今次春美動作雖然冇咁大膽，但亦以比堅尼上陣，令人有透心涼嘅感覺。而同樣喺電話響嗰陣會叫「有電話，快啲嚟」嘅MEGUMI，喺另一版本入面只係密實上陣，睇落就冇春美咁吸引。